Tidleg ultralyd gir trygghet!

Det har i det siste gått ein debatt om tidleg ultralyd, og det er no klart at stortingsgruppene til både AP og Sv kjem til å gå inn for dette.

Det burde ikkje overraske meg, men det gjer det til ein viss grad likevel at KRF sin fylkesleiar Trude Brosvik rettar sin moralske peikefinger mot dette forslaget. Krf er som kjent imot tidleg ultralyd, og Brosvik grunngjev dette med at ho vil stå opp for dei verdiane som går ut frå eit kristent menneskesyn og fordi ho ikkje kan godta eit sorteringssamfunn. Greitt nok.

Men kven er det som snakkar om soteringssamfunn her? Jo det er nettopp Krf.

Vi som er for tidleg ultralyd brukar ikkje dette som argument. For oss er det tryggheten til kvinner som er gravide som er avgjerande. Når halvparten av norkse kvinner vel å bruke tid og pengar på ein ekstra ultralydundersøkelse, viser det eit følt behov. Vi anerkjenner det behovet som kvinner har for å vite om barnet lever og er friskt.

Ap ønsker at dette skal være eit tilbod til alle kvinner, men det betyr ikkje at ein må ta tidleg ultralyd om ein ikkje vil.

I dag innkalles alle kvinner over 38 år til tidlig ultralyd, er KRF imot det også?

Det slår meg ved denne debatten at KRF legg dette på eit nivå som opnar for å tru at det er omkamp om abortlovgivninga dei vil ha. Men då bør dei også være opne på det!